Өндөр сайхан биетэй болох нь хүн бүрийн мөрөөдөл билээ. Гэвч хүний өсөлт бүх насанд жигд явагддаггүй зөвхөн өсвөр насанд хамгийн хурдацтай эрчимтэй явагдаад зогсдог байна. Тэгвэл өндөр болох гурван төрлийн арга зам байдаг.
1.Өндөр болгодог витамин уух
Уг витаминууд нь өнчин тархинаас ялгарах өсөлтийн гормон болох соматотропиний ялгарлыг ихэсгэдэг. Энэхүү гормон ихээр ялгарсанаар өсвөр насны хүүхдийн урт ясны төгсгөл дэх өсөлтийн бүсэд нөлөөлсөнөөр өсөлтийн эсүүд идэвхижиж, урт ясны ургалт уртасч өндөр болдог байна. Гэвч энэхүү гормоны ялгарал зөвхөн өсвөр насанд ихэсдэг тул 18- 25 насанд нөлөөлөх боломжтой. Цаашид хичнээн витамин уугаад ч уг гормоны ялгарал багасч, өсөлтийн бүс болох мөгөөрсөн эд ясжих тул хүн өсөхгүй болдог. Тэгэхээр өндөр болгодог витамин уух нь насны хязгаартай болох нь тодорхой боллоо. Үүнийг бүрэн ойлгоогүй хүмүүс дэмий баахан витамин ууж өндөр болохоосоо илүүтэй бие организмаа хордуулах аюултай байдаг.
2. Мэс заслын арга
Уг мэс заслыг Илизаровийн аппаратын арга гэж нэрлэдэг.Мэс заслын үндсэн зарчим нь үрт ясыг зориудаар хугалж 2-3 хэсэг болгон, уг хэсгүүдийг хооронд нь Илизаровийн аппаратын тусламжтайгаар холбож боодог. Ингээд хугарсан хэсгүүд хоорондоо нийлж бороолж эхэлхэд, хоорондох зайг өдөр бүр тодорхой хэмжээгээр холдуулж тэлж боодог. Ингэж ясны хуурамч бороо үүсгэж тэлснээр ясыг өдөр бүр уртасгаж бороолуулна. Энэхүү аргаар хүн 7-10 см өндөр болох боломжтой ч маш хүнд мэс ажилбарт тооцогддог. Энэхүү арга нь эрүүл мэндийн хувьд ч тийм таатай арга биш юм. Учир нь эрүүл байсан хөлөө албаар хугалж өвдөлт, зовиур шаналгаа ихтэй, эдийн засгийн хувьд ч өндөр өртөгтэй, мөн цаг хугацааны хувьд зургаан сар аппараттай байх ба, хөдөлмөрийн чадвар мөн түр хугацаагаар алдана.
3. Дасгал хийх
Өндөр болох хүсэлтэй хүмүүсийн бас нэг тэвчээр шаардсан арга бол сүнгалтын дасгал юм. Сунгалтын дасгалын гол зарчим нь байнгын дасгал хөдөлгөөнд үе хоорондын зөөлөвч дискийг хүчээр сунгаж татаж, урт болгодог. Энэхүү сунгалтын дасгал мөн л насны хязгаартай зөвхөн мөгөөрсөн эд ясжаагүй 25 хүртэлх насанд өндөр болох боломжтой.
