~Хардалт бол барьцаалалт~
Чамайг жаргаад байхад би гэртээ дүнсийгээд сууж байдаг. Нэг бол би чам уруу очье үгүй бол чи надтай хамт энд бай гэж барьцана.
Тэгсэн мөртлөө хамт байгаа хүмүүсээс нь ичээд очихгүй нөгөөдөхөө л дарамтална. Хоёулаа тус туслаа гадуур явж байвал бие биенээ хардахгүй.
Түрүүлж гэртээ ирсэн нь дөнгөж орж ирээд л шууд утсаар залгаад би гэртээ аль хэдийгээ ирчихсэн байна. Чи яав? гэр оронтой гэдгээ мэдэж байна уу үгүй юу? гэж гэр орноо боддог хүн шиг царайлна. Гар утас эхэндээ хайрын элч болдог байсан бол сүүлдээ эрлэгийн элч болж.
Хайртай гэж хэлэх гэж биш хаана хэнтэй байгааг нь хянах гэж залгана. Хардалт гэдэг үгийн үндэс нь хүртэл хар.
